कार्यकारी निर्देशकको काम, कर्तव्य र अधिकार देहाय बमोजिम हुनेछः-
(क)   कोषको नीति तथा वार्षिक कार्यक्रम तयार गरी समिति समक्ष पेश गर्ने,
(ख)   कोषमा जम्मा भएको रकमको सुरक्षित लगानीका क्षेत्रहरु पहिचान गरी समिति समक्ष सिफारिस गर्ने,
(ग)   कोषको सम्पत्ति तथा जायजेथाको संरक्षण र व्यवस्थापन गर्ने,
(घ)   समितिमा  छलफल हुने प्रस्ताव तयार गर्ने,
(ङ)   कोषको स्वीकृत वार्षिक कार्यक्रम कार्यान्वयन गर्ने, गराउने,
(च)   कोषको काम कारबाहीको निरीक्षण तथा अनुगमन गरी समिति समक्ष प्रतिवेदन पेश गर्ने,
(छ)   समितिबाट भएको निर्णय तथा निर्देशन कार्यान्वयन गर्ने, गराउने,
(ज)   कोषको प्रशासकीय प्रमुखको रुपमा दैनिक प्रशासन सञ्चालन गर्ने,
(झ)   समितिबाट निर्देशित तथा प्रत्यायोजित अन्य काम गर्ने, गराउने।