(१) आकस्मिक प्रसूति तथा नवजात शिशु सेवा उपलव्ध गराउने स्वास्थ्य संस्थाले आफ्नो स्वास्थ्य संस्थामा स्वास्थ्य जाँच गराउन आएका देहाय बमोजिमको अवस्थाका गर्भवती महिलाको लागि आरामस्थलको व्यवस्था गर्नु पर्नछः-
(क) भौगोलिक विकटता र यातायातको कठिनाइका कारण स्वास्थ्य संस्थामा आवत जावत गर्न गाह्रो हुने अवस्थाका,
(ख) उपचारको क्रममा रहेको अट्टाइस दिनसम्मको नवजात शिशुको आमा,
(ग) उपचारमा संलग्न चिकित्सक वा स्वास्थ्यकर्मीले आवश्यक ठानेको अन्य अवस्था ।
(२) उपनियम (१) बमोजिमको आरामस्थलमा कम्तीमा देहाय बमोजिमका सुविधा हुनु पर्नेछः-
(क) पानी र शौचालयको व्यवस्था,
(ख) शैयाको व्यवस्था,
(ग) आपाङ्ग मैत्री सुविधाको व्यवस्था,
(घ) बिरामीको लागि खानाको व्यवस्था सो नभए भाडाकँडा र इन्धनको व्यवस्था ।
(३) उपनियम (१) बमोजिमको आरामस्थलको व्यवस्था सम्भव भएसम्म स्वास्थ्य संस्था परिसर भित्रै र सम्भव नभए अन्य पायक पर्ने स्थानमा गर्नु पर्नेछ ।