(१) समितिका सदस्य, प्राधिकरणका कर्मचारी वा
प्राधिकरणले काममा लगाएका वा सेवा लिएका पदाधिकारी, सल्लाहकार, विज्ञ वा बैठकमा
आमन्त्रित व्यक्तिले प्राधिकरणको कामको सिलसिलामा आफ्नो जानकारीमा आएको कुनै
सूचना वा जानकारी अनधिकृत तवरले अन्य कुनै व्यक्तिलाई उपलब्ध गराउन वा कसैको
लाभ, हित वा फाइदाको लागि प्रयोग गर्नु हुँदैन ।
(२) उपनियम (१) विपरीत समितिका सदस्य, प्राधिकरणका कर्मचारी वा
प्राधिकरणले काममा लगाएका वा सेवा लिएका पदाधिकारी, सल्लाहकार, विज्ञ वा
बैठकमा आमन्त्रित व्यक्तिले कुनै काम गरेमा निजले पदीय आचरण पालना नगरेको
मानिनेछ ।
(३) उपनियम (२) बमोजिम पदीय आचरण पालना नगर्ने समितिका सदस्य,
प्राधिकरणका कर्मचारी वा प्राधिकरणले काममा लगाएका वा सेवा लिएका पदाधिकारी,
सल्लाहकार, विज्ञ वा बैठकमा आमन्त्रित व्यक्तिलाई प्रचलित कानून बमोजिम कारबाही
हुनेछ ।