ः
(१) ऐन र यस नियमावली बमोजिम समय समयमा गरिने नाप नक्सामा एकरूपता कायम गर्न र तयार भएका नाप नक्सा उपर छानविन गरी सम्बन्धित निकायलाई आवश्यक सुझाव र निर्देशन दिन वा त्यस्ता निकायहरू बीच समन्वय समेत गर्न देहाय बमोजिमको एक नाप नक्सा समिति रहनेछ ः–
(क) सचिव, भूमि सुधार तथा व्यवस्था मन्त्रालय – अध्यक्ष
(ख) प्रतिनिधि (रा.प. प्रथम श्रेणी), कानुन, तथा न्याय मन्त्रालय – सदस्य
(ग) प्रतिनिधि (रा.प. प्रथम श्रेणी), रक्षा मन्त्रालय – सदस्य
(घ) प्रतिनिधि (रा.प. प्रथम श्रेणी), गृह मन्त्रालय – सदस्य
(ङ) प्रतिनिधि (रा.प. प्रथम श्रेणी), अर्थ मन्त्रालय – सदस्य
(च) प्रतिनिधि (रा.प. प्रथम श्रेणी), परराष्ट्र मन्त्रालय – सदस्य
(छ) त्रिभुवन विश्वविद्यालय, भूगोल शिक्षण समितिका प्रमुख – सदस्य
(ज) भूमि सुधार तथा व्यवस्था मन्त्रालयले तोकेको सम्बन्धित विषयको बिशेषज्ञ एकजना – सदस्य
(झ) महानिर्देशक – सदस्य–सचिव
(२) उपनियम (१) को खण्ड (ज) बमोजिम तोकिएको सदस्यको पदावधि दुई वर्षको हुनेछ ।
(३) अध्यक्षले सम्बन्धित विषयका विशेषज्ञलाई उपनियम (१) बमोजिमको समितिको बैठकमा पर्यवेक्षकको रूपमा आमन्त्रण गर्न सक्नेछ ।
(४) उपनियम (१) बमोजिमको समितिको कार्य सम्पादनमा सहयोग पु¥याउन सो समितिले आवश्यकतानुसार प्राविधिक उप–समिति गठन गर्न सक्नेछ ।
(५) उपनियम (१) बमोजिमको समितिले आफ्नाे कार्यविधि आफै व्यवस्थित गर्न सक्नेछ ।