(१) मुद्दाको सुनुवाई गर्दा सम्बन्धित पक्षको भनाई र कानून
व्यवसायी मुकरर गरिएको भए निजको वहस समेत समाप्त भएपछि
न्यायाधिकरणबाट सोही दिन निर्णय सुनाउनु पर्नेछ ।
(२) उपनियम (१) बमोजिमको निर्णयको छोटकरी विवरण राय कितावमा
लेखी सदस्यले दस्तखत गरी उपस्थित पक्षलाई सुनाई राय कितावमा सही समेत
गराई सात दिनभित्र फैसला र अन्तिम आदेश लेखी मिसिल संलग्न गराउनु पर्नेछ ।
(३) मुद्दामा समावेश भएको विषयवस्तुकोे जटिलताको कारणले उपनियम (१)
बमोजिम सोही दिन निर्णय सुनाउन नसक्ने अवस्था परेमा लिखित रुपमै फैसला
सुनाउनको लागि न्यायाधिकरणले पन्ध्र दिनसम्मको तारेख तोक्न सक्नेछ ।