(१) देहायको अवस्थामा प्राधिकरणले बीमकको इजाजतपत्र खारेज गर्न सक्नेछ:-

(क) दफा १३६ बमोजिम बीमा व्यवसाय गर्न रोक लगाइएको वा इजाजतपत्र निलिम्बन गरिएको एक बर्षसम्म पनि त्यस्तो रोक्का फुकुवा हुन नसकेमा,

(ख) बीमकलाई बीमा व्यवसाय सञ्चालन गर्न दिँदा बीमितको गम्भीर अहित हुने भएमा, (ग) प्रचलित कानून बमोजिम बीमक विरूद्ध अदालतले

दामासाहीको कारबाही प्रारम्भ गरेमा,

(घ) खारेजीको लागि बीमकको निवेदन : परेकोमा

खारेजीको प्रक्रिया पूरा भएमा ।

(२) उपदफा (१) को खण्ड (ग) वा (घ) को अवस्थामा बाहेक कुनै बीमकको इजाजतपत्र खारेज गर्नुअघि प्राधिकरणले सम्बन्धित बीमकलाई तोकिए बमोजिम उचित समय दिई स्पष्टीकरण पेश गर्ने मनासिब मौका दिनु पर्नेछ।

(३) यस दफामा अन्यत्र जुनसुकै कुरा लेखिएको भए तापनि उपदफा (१) को खण्ड.:(क) वा (ख) मा उल्लिखित अवस्था उत्पन्न भई सम्बन्धित बीमकले त्यस्तो अवस्था सुधार गर्ने र कमी कमजोरी नदोहोच्याउने कबुलियत गरेमा प्राधिकरणले त्यस्तो बीमकलाई एक पटकको लागि आफ्नो अवस्था सुधार गर्न वा.कमी कमजोरी सच्याउन मनासिब समय प्रदान गर्न सक्नेछ।

(४) यस दफा बमोजिम कुनै बीमकको इजाजतपत्र खारेज भएमा त्यसरी खारेज हुनुभन्दा अगाडि बीमकले लिएको दायित्वको फस्यौंट तोकिए बमोजिम गर्नु पर्नेछ।

(५) यसं-दफा बमोजिम इजाजतपत्र खारेज भएकोमा प्राधिकरणले सम्बन्धित बीमा कम्पनीको नाम सर्वसाधारणको जानकारीको लागि कम्तीमा दुईवटा राष्ट्रिय स्तरको दैनिक पत्रिका _र प्राधिकरणको वेबसाइट मार्फत सार्वजनिक गर्नु पर्नेछ।