(१) यस ऐनमा अन्यत्र उल्लिखित काम, कर्तव्य र अधिकारको
अतिरिक्त समितिको अन्य काम, कर्तव्य र अधिकार देहाय बमोजिम हुनेछः–
(क) सामाजिक सुरक्षा योजना सम्बन्धी नीति तर्जुमा गर्ने,
(ख) सामाजिक सुरक्षा सम्बन्धीेविषयमा नेपाल सरकारलाई सुझाव दिने,
(ग) सामाजिक सुरक्षा योजना, बजेट र कार्यक्रम स्वीकृत गरी कोषको सञ्चालन र
व्यवस्थापन गर्ने,
(घ) लगानी सम्बन्धी नीति तर्जुमा गरी स्वीकृतिको लागि नेपाल सरकार समक्ष पेश गर्ने,
(ङ) विभिन्न सामाजिक सुरक्षा योजनाको समुचित रूपमा सञ्चालन र व्यवस्थापन गर्न
आवश्यक रकमको व्यवस्था गर्ने,
(च) कार्यकारी निर्देशकबाट सम्पादन हुने काम कारबाहीको समन्वय तथा अनुगमन गर्ने,
(छ) कोषमा सूचीकृत श्रमिक, स्वरोजगारमा रहेको व्यक्ति, सरकारी सेवामा बहाल रहेको
व्यक्ति वा सरकारी कोषबाट पारिश्रमिक पाउने व्यक्ति लगायतका सबै व्यक्तिको
व्यक्तिगत विवरणको अभिलेख अद्यावधिक गरी राख्ने,
(ज) कोषको नियमित रूपमा लेखा परीक्षण तथा कोषको समग्र आर्थिक तथा वित्तीय
अवस्थाको मूल्याङ्कन गर्ने वा गराउने,
(झ) सामाजिक सुरक्षा योजना सञ्चालन गर्ने सम्बन्धमा आवश्यक कार्य गर्ने,
(ञ) बेरोजगारी सुविधा पाउने श्रमशक्तिलाई शीघ्र रोजगारी उपलब्ध गराउने कार्यक्रम
सञ्चालन गर्ने,
(ट) घरेलु श्रम बजारमा रोजगारीका थप क्षेत्र पहिचान गरी श्रमशक्तिलाई व्यापक रुपमा
रोजगारीमा संलग्न गराउने कार्यक्रम सञ्चालन गर्ने,
(ठ) योगदानकर्ताहरुलाई परिचयपत्र वितरण गर्न लगाउने,
(ड) नेपाल सरकारले समय समयमा दिएको निर्देशनको पालना गर्ने,
(ढ) तोकिए बमोजिमका अन्य कार्य गर्ने ।
(२) समितिले आफूलाई प्राप्त अधिकारमध्ये केही अधिकार समितिको अध्यक्ष, सदस्य, दफा ३८
बमोजिम गठित उपसमिति वा कार्यकारी निर्देशक वा कोषको कुनै अधिकृत कर्मचारीलाई प्रत्यायोजन
गर्न सक्नेछ ।