१२.१०.१ टेलिमेडिसिनको प्रभावकारितालाई अझै अभिवृद्धि गर्न तथा उक्त प्रविधिमा आधारित स्वास्थ्य सेवा प्रवाहको पहुँच देशव्यापी रुपमा विस्तार गर्न टेलिमेडिसिन सम्बन्धी रणनैतिक प्रारुप सन २०१६ भित्रमा बनाई लागू गरिनेछ ।

१२.१०.२ सबै प्रकारका स्वास्थ्य संस्थाहरुमा सूचना तथा सञ्चार प्रविधिको पहुँच तथा उपलब्धता सुनिश्चित गरिनेछ ।

१२.१०.३ स्वास्थ्य सेवामा कार्यरत जनशक्तिको सूचना तथा सञ्चार प्रविधि प्रयोगमा दक्षता अभिवृद्धि गर्न विशेष कार्यक्रम तर्जुमा गरिनेछ । यस सन्दर्भमा स्वास्थ्य सम्बन्धी तालिम तथा जनशक्ति विकास गर्ने संस्थाहरुको क्षमता अभिवृद्धि गर्दै लगिनेछ ।

१२.१०.४ सबै प्रकारका सर्ने वा नसर्ने रोग तथा महामारी सम्बन्धी सचेतना अभिवृद्धि गर्न तथा व्यवस्थापन गर्न सूचना तथा सञ्चार प्रविधिमा आधारित पद्धति विकास गरिनेछ ।

१२.१०.५ स्वास्थ्य संस्थाहरुमा आउने विरामीहरु सम्बन्धी विद्युतीय सूचनालाई सुरक्षित एवं गोपनीय राखन आवश्यक व्यवस्था गरीने छ ।

१२.१०.६ राष्ट्रिय स्वास्थ्य वीमा कार्यक्रममा सूचना सञ्चारको आधुनिक प्रविधि प्रयोग गरीने छ।