(१) कुनै व्यक्तिले यो ऐन लागू हुने अवस्थाबारे द्विविधा निराकरणका लागि विभाग समक्ष लिखित निवेदन दिएमा विभागले सो व्यक्तिलाई लिखित रूपमा सूचित गरी पूर्वादेशद्वारा धारणा जारी गर्न सक्नेछ ।

(२) यस्तो पूर्वादेश माग भएको विषयमा जारी भएको मिति पश्चातका प्रवन्ध तथा निवेदनमा उल्लेख भएका विषयमा मात्र लागू हुनेछ ।

(३) अदालतमा विचाराधीन रहेका विषय र अदालतबाट व्याख्या भई आदेश भएका विषयमा पूर्वादेशको निवेदन परी जारी भएमा त्यस्तो पूर्वादेश स्वतः निष्कृय भएको मानिनेछ ।