(१) अनुमतिपत्रको अवधि अन्त्य भएमा अनुमतिपत्र
बमोजिमको लगानीको परियोजना र सोसँग सम्बन्धित घरजग्गा, मेशिन, उपकरण तथा
संरचना सम्झौतामा लेखिए बमोजिम चालू हालतमा नेपाल सरकारलाई हस्तान्तरण गर्नु
पर्नेछ ।
(२) उपनियम (१) बमोजिम हस्तान्तरण भएको परियोजना तथा सोसँग
सम्बन्धित वस्तुको स्वामित्व नेपाल सरकारको हुनेछ ।
(३) उपनियम (२) बमोजिम हस्तान्तरण भएको परियोजनाको नेपाल सरकारले
निर्धारण गरे बमोजिम सञ्चालन गरिनेछ ।
(४) उपनियम (३) मा जुनसुकै कुरा लेखिएको भए तापनि सम्बन्धित
लगानीकर्ताले नै सो उपनियम बमोजिम हस्तान्तरण भएको परियोजना सञ्चालन गर्न
इच्छा गरेमा बोर्डसँग परामर्श गरी नेपाल सरकारले त्यस्तो लगानीकर्तासँग सो
प्रयोजनका लागि परियोजना सञ्चालन सम्झौता गरी त्यस्तो सम्झौतामा उल्लिखित
अवधिसम्मका लागि परियोजना संञ्चालन गर्न दिनेछ ।