दफा २
परिभाषा
विषय र प्रसङ्गले अर्को अर्थ नलागेमा यस ऐनमा–
(क) “अदालत” भन्नाले सर्वोच्च अदालत, उच्च अदालत र जिल्ला अदालत सम्झनु पर्छ ।
(ख) “अध्यक्ष” भन्नाले न्याय परिषदको अध्यक्ष सम्झनु पर्छ ।
(ग) “जाँचबुझ समिति” भन्नाले दफा १९ बमोजिमको जाँचबुझ समिति सम्झनु पर्छ ।
(घ) “तोकिएको” वा “तोकिए बमोजिम” भन्नाले यस ऐन अन्तर्गत बनेको नियममा तोकिएको वा तोकिए बमोजिम सम्झनु पर्छ ।
(ङ) “न्याय परिषद” भन्नाले संविधानको धारा १५३ बमोजिमको न्याय परिषद सम्झनु पर्छ ।
(च) “न्यायाधीश” भन्नाले अदालतको न्यायाधीश सम्झनु पर्छ ।
(छ) “सदस्य” भन्नाले न्याय परिषदको सदस्य सम्झनु पर्छ र सो शब्दले न्याय परिषदको अध्यक्षलाई समेत जनाउँछ ।
(ज) “संविधान” भन्नाले नेपालको संविधान सम्झनु पर्छ ।