(१) अदालतमा दायर भएका, फर्छ्यौट भएका र छिन्न बाँकी मुद्दाहरूको सदस्य पिच्छेको विवरण सहितको मासिक प्रतिवेदन सर्वोच्च अदालतबाट निर्दिष्ट ढाँचामा अर्को महिनाको सात गतेभित्र सर्वोच्च अदालत र न्याय परिषद्‌ सचिवालयमा पठाउनु पर्नेछ। (२) उपनियम (१) मा उल्लिखित विवरण खुलाई अदालतले आर्थिक वर्ष समाप्त भएको मितिले पन्ध्र दिनभित्र सर्वोच्च अदालतद्वारा निर्दिष्ट ढाँचामा वार्षिक प्रतिवेदन तयार गरी सर्वोच्च अदालत र न्याय परिषद्‌ सचिवालयमा पठाउनु पर्नेछ।