(१) ऐनको दफा १७ को उपदफा (१) बमोजिम चिकित्सकलाई
पदस्थापन गर्दा निजको सेवा आवश्यक देखिएमा केन्द्रीय, क्षेत्रीय, अञ्चल वा जिल्ला
अस्पताल, प्राथमिक स्वास्थ्य केन्द्र वा चिकित्सालयमा पदस्थापन गरिनेछ ।
(२) उपनियम (१) मा लेखिएदेखि बाहेक सेवाका अन्य कर्मचारीलाई पदस्थापन
गर्दा निजको शैक्षिक योग्यता, तालीम र अनुभवलाई समेत आधार मानी स्वीकृत
दरबन्दीभित्र रही अस्पताल, स्वास्थ्य संस्था वा कार्यालयमा पदस्थापन गरिनेछ ।