(१) यस नियमावली बमोजिम निरीक्षण, जाँचबुझ वा खानतलासी गरिसकेपछि निरीक्षण अधिकृतले काम सकिएको मितिले तीन दिनभित्र देहायका कुराहरू खुलाई मन्त्रालय समक्ष लिखित प्रतिवेदन पेश गर्नु पर्नेछ :–
(क) त्यस्तो निरीक्षण, जाँचबुझ वा खानतलासी गर्नु परेको ठाउँ तथा कारण ।
(ख) त्यस्तो ठाउँमा फेला परेका उपभोग्य वस्तु र सोसँग सम्बन्धित अन्य विवरण ।
(ग) फेला परेका उपभोग्य वस्तु रोक्का वा कब्जा गर्नु परेकोमा त्यसरी रोक्का वा कब्जा गर्नु परेको कारण ।
(घ) उपभोग्य वस्तुको नमूना लिनु परेकोमा सो लिनु परेको कारण ।
(ङ) उपभोग्य वस्तु रोक्का राख्दा उपभोग्य वस्तुको नमूना लिँदा के कति उपभोग्य वस्तु कुन रूपमा भाँडोमा राखी सिलबन्दी गरिएको छ र त्यस्तो भाँडो के कति कामको लागि कहाँ कहाँ पठाइएको छ ।
(च) त्यस्तो निरीक्षण, जाँचबुझ र खानतलासी पछि सो सम्बन्धमा गर्नु पर्ने बाँकी काम कारवाहीको विवरण ।